Ish-shefi i Bankës Evropiane të Investimeve, po hetohet nga prokurorët e BE-së për korrupsion dhe shpërdorim

Werner Hoyer, ish-president i Bankës Evropiane të Investimeve, të hënën konfirmoi se është nën hetim nga prokurori publik i BE-së për korrupsion dhe shpërdorim.

Hoyer, akuzat i ka përshkruar si “të pabazuara dhe të pabaza”, raporton Euronews.com, transmeton Klankosova.tv.

Ai tha se do të bashkëpunojë plotësisht me hetimin e Zyrës së Prokurorit Publik Evropian (EPPO), i cili lidhet me kompensimin e paguar për një ish-punonjës të EIB.

“Akuzat kundër meje janë absurde dhe të pabaza”, tha Hoyer në një deklaratë të dërguar me email.

“Tani pres që ato të hetohen dhe sqarohen plotësisht dhe t’i kërkoj EIB-së të bashkëpunojë plotësisht me EPPO-në. Unë gjithashtu jam duke bashkëpunuar plotësisht me EPPO dhe kërkoj një sqarim të plotë të fakteve nga atje”, shtoi ai.

Në deklaratën e dërguar nëpërmjet avokatit të tij, thuhet se hetimi ka të bëjë me një marrëveshje stafi të nënshkruar nga Hoyer gjatë kohës që ai ishte president, por që ai nuk kishte asnjë rol në negocimin.

“Kërkesat ligjore për fillimin e një hetimi penal nga EPPO janë shumë të ulëta”, tha avokati i tij, Nikolaos Gazeas, duke shtuar se “nuk ishte e pazakontë në aspektin ligjor” që një nënshkrues të bëhej subjekt i një hetimi.