Intervistimi i Dejonës: Pas 24 orëve Mefi i del në mbrojtje “shefës”, sulmon portalet dhe Prokurorinë

Mefail Bajqinovci, deputet i VV-së, ka shkruar në lidhje me intervistimin e Dejona Mihalit, koordinatore e komiteteve të VV-së, nga ana e Prokurorisë Speciale në cilësinë e deshmitares për disa çështje penale.

Në shkrimin e tij, Bajqinovci ka bërë një ndërlidhje konspirative.

Bajqinovci ka fajësuar prokurorinë, portalet dhe analistët në lidhje me këtë intervistim.

Madje, Bajqinovci, që dikur ka qenë moderator, i kritikoi mediat në lidhje me incizimin e hyrjes dhe daljes së Mihalit nga prokuroria.

“49%-ëshi (pa diasporën) i paska shqetësuar fortë.

Vetëm 1-2 ditë pas rezultateve të sondazheve të fundit, koalicionin prokurori-portale online (disa prej tyre)-analistë “të pavarur”-opozita e filloi parafushtën.

Prokuroria e fton Dejona Mihalin; portalet online (jo të gjitha) e presin me kamerë para hyrjes së prokurorisë; raportojnë me burime brenda prokurorisë; analistat “e pavarur” statuset gati; opozita në sulm” – ka shkruar ai.