Intervista e rrallë e Lasgush Poradecit dhe një poezi për Kosovën (VIDEO)

Poeti modern Lasgush Poradeci, vjen nëpërmes kësaj video impresionuese ku realizon një bisedë si dhe shpalos disa vargje të përzemërta për Kosovën.

Lasgush Poradeci, poeti modern që jetën e tij e mbylli nën hijen e rëndë të komunizmit, vjen nëpërmjet një videoje impresionuese në një bisedë bashkë me disa vargje me shumë vlerë.

Studiuesi tropojan i këngëve dhe folklorit Kujtim Matoshi ka publikuar së fundi një video ku shfaqet Lasgush Poradeci. Biseda e shkurtër në këtë video sjell edhe disa vargje të përzemërta për Kosovën. Lasgushi flet për shkollimin e tij dhe bursën e miratuar në atë kohë nga vetë Fan Noli Kryeministër i interesuar veçanërisht për shkollimin jashtë të të rinjve shqiptarë.

Videoregjistrimi e sjell Lasgushin në moshë, magjinë e një poeti, fëmijërinë e tij të varfër, shkollimin si dhe dashurinë për Kosovën. Për të gjithë ata që nuk e kanë dëgjuar farkëtarin e poezisë lirike moderne shqiptare, do të kenë mundësinë në këtë video të rrallë që vjen si një fragment i shkëputur nga filmi i Mevlan Shanaj. / KultPlus.com

https://www.youtube.com/watch?v=CPYdUK3HK0U