Interi e fiton derbin e madh ndaj Juventusit
Pas dy barazimeve radhazi, skuadra e Interit është rikthyer te fitorja në Serie A.
Kampioni në fuqi italian sonte shënoi fitore ndaj Juventusit, në ndeshjen e vlefshme për javën e 31-të.
Ndeshja e zhvilluar në “Allianz Stadium” përfundoi me rezultatin minimal 0:1.
Golin e vetëm dhe të fitores për “Nerazzurrët” e shënoi Hakan Calhanoglu nga pika e bardhë, në fundin e pjesës së parë.
Interi pas kësaj fitore ka 63 pikë dhe renditet i treti në tabelë, me tri pikë më pak se Napoli e Milani, me “Rossonerët” që janë liderë.
Kurse, Juventusi mbetet me 59 pikë në pozitën e katërt.
