Interesim i jashtëzakonshëm nga tifozët për të siguruar biletat për ndeshjen KB Trepça – KB Peja

Sot (e mërkurë) KB Trepça e pret KB Pejën në ndeshjen e parë finale të Play-off-it.

Ndeshja fillon në orën 20:00 dhe do të zhvillohet në palestrën “Minatori” në Mitrovicë.

E qindra tifozë mitrovicas tashmë kanë dalë për të siguruar një biletë për të parë ndeshjen më afër që të jenë të mbështetje të klubit të zemrës.

Dje Trepça njoftoi se biletat do të dalin në shitje në orën 11:00, mirëpo tifozët kanë dalë te Fan-shopi i klubit katër orë përpara se të nisë shitja, vetëm për të siguruar një biletë.

Pa dyshim që sonte në “Minatori” do të zhvillohet një duel tejet interesant.