I zhdukur prej 9-të ditësh pas tërmetit në Turqi, trajneri i klubit turk i shqetësuar për futbollistin ganez

Nana Sechere, menaxheri e Christian Atsu, bëri këtë të martë një postim në lidhje me futbollistin ganez, i cili rezulton i zhdukur pas tërmetit 7.8 ballë të shkallës Rihter, që shkatërroi Turqinë dhe Sirinë.

“Kanë kaluar nëntë ditë nga tërmeti dhe ne ende nuk e kemi gjetur Christian.

Skenari është i tmerrshëm “dhe zemrat tona janë thyer për të gjithë njerëzit që u prekën”, ka nisur ai duke shkruar në rrjetin social Twitter, transmeton GazetaBlic Sport.

“Gjatë qëndrimit tim këtu arritëm të gjenim vendndodhjen e saktë të dhomës së Christian Atsu dhe gjetëm dy palë këpucë të tij. Dje (e hënë) morëm konfirmimin se imazhet termike treguan shenja deri në pesë jetë, megjithatë më thanë se i vetmi konfirmim i vërtetë i jetës është përmes shikimit, nuhatjes dhe zërit dhe për fat të keq nuk ishim në gjendje ta gjenim atë, “vazhdoi ai.

Agjenti kërkoi më shumë burime: “Kjo është një situatë e vështirë dhe ne u jemi jashtëzakonisht mirënjohës të gjitha ekipeve të shpëtimit turk dhe të huaj, civilëve vendas dhe vullnetarëve për përpjekjet dhe reagimin e tyre në shpëtimin e të mbijetuarve.

Megjithatë, ne kemi nevojë urgjente për më shumë burime, duke përfshirë një përkthyes, në terren. Gjërat po ecin tepër ngadalë dhe si rezultat shumë shpëtime po vonohen dhe jetë po humbasin për shkak të mungesës së burimeve në dispozicion të punëtorëve.”

Nana Sechere gjithashtu kritikoi Hatayspor.“Është për të ardhur keq që klubi nuk është me ne në terren, krah për krah, duke kërkuar Christian. Pozicioni dhe ndikimi juaj, i shoqëruar nga njohuritë tuaja lokale, do të ishte jashtëzakonisht i dobishëm. Ne i lutemi presidentit të klubit dhe kryetarit të bashkisë së Hatay, Lütfü Savas, të sigurojnë burime shtesë për të përshpejtuar përpjekjet e shpëtimit si prioritet.”