Huawei prezanton Honor 8
Kompania kineze e teknologjisë Huawei ka zbuluar telefonin më të ri Honor 8, që ka mjaft ngjashmëri me telefonin më të kërkuar të kësaj kompanie P9.
Honor 8 ka ekran 5.2 inç me 1080p, dhe vjen me kamerën të dyfishtë prej 12 megapikselë dhe atë të përparme prej 8 megapikselë.
Telefoni ka 4GB RAM me hapësirë memorizuese prej 64 MP, raporton GSMArena. Për dallim nga P9 që ka procesor Kirin 955, Honor 8 ka Kirin 950, i cili vjen me octa-core CPU dhe me katër bërthama Cortex-A72 deri në 2.3 GHz, si dhe katër Cortex-A53 cores deri më 1.8 GHz, transmeton Koha.net.
Honor 8 është i ndërtuar në 4G LTE, së bashku me funksionin e dual-SIM (edhe pse kartela e dytë dyfishohet si microSD nuk mund të përdoren në të njëjtën kohë dy SIM kartela dhe një kartelë e zgjeruar fatkeqësisht).
Bateria e tij është 3 mijë mAh. Dimensionet e telefonit janë 145.5 x 71 x 7.45 mm, kurse peshon 153g, kurse ka sistemin operativ Android 6.0 Marshmallow.
Në tregun kinez ai do të del më 19 korrik, kurse data për tregun botëror ende nuk është konfirmuar, që pritet të ndodhë në javët e ardhshme.
Modeli me 3GB RAM dhe hapësirë memorizuese 32GB ka çmim prej 269 euro, kurse ai me 4GB RAM dhe 32 GB është 310 euro. Ndërsa për 337 euro mund të blihet ai me 4GB RAM dhe 64GB hapësirë memorizuese.
