Hovenier: Njohja reciproke është qëndrim i administratës Biden por s’mendojmë se do të ndodhë tani

Ambasadori i ShBA-së në Kosovë, Jeffrey Hovenier, ka thënë se njohja reciproke në mes Kosovës e Serbisë, është qëllimi i dëshiruar në fund të procesit të dialogut.

Por, Hovenier tha se njohja reciproke nuk pritet të ndodhë tani, teksa shtoi se as Kosova e as Serbia nuk do të integrohen në institucionet evropiane pa njohje të ndërsjellë.

“Po, ky është absolutisht qëllimi ynë i dëshiruar që rezultati i këtij procesi, kur të ketë mbaruar, të jetë njohja reciproke, dhe besojmë se ky është i vetmi rezultat i mundur. Ky është qëndrimi i administratës Biden për një kohë të gjatë”.

“Ne flasim për njohjen e ndërsjellë që do të ndodhë dikur sepse nuk mendojmë se do të ndodhë tani. Kemi pasur dëshirë të ndodhë dhe duhet të ndodhë dhe besojmë se asnjëri vend nuk do të integrohet realisht në të gjitha institucionet evropiane dhe euroatlantike pa njohje reciproke”, tha Hovenier në një intervistë për RTK-në.

Hovenier: Koordinim para aksioneve në veri, Asociacioni urgjentisht të dërgohet në Kushtetuese