Hovenier: Mbështesim një Kosovë demokratike, jemi kundër gjuhës së urrejtjes ndaj komunitetit LGBTQI+
Ambasadori i SHBA-së në Prishtinë, Jeff Hovenier, është bërë bashkë me miq nga Kosova, përfaqësues të shoqërisë civile e diplomatë të shumtë në Prishtinë për të shënuar Ditën Ndërkombëtare Kundër Homofobisë, Transfobisë dhe Bifobisë.
Hovenier ka deklaruar se mbështesin një Kosovë të lirë dhe demokratike e gjithashtu tha se janë kundër çdo forme të urrejtjes ndaj komunitetit LGBTIQ+.
“Ndërsa vazhdojmë përpjekjet tona të përbashkëta për të mbështetur një Kosovë të lirë, paqësore dhe demokratike, ne qëndrojmë së bashku kundër çdo forme dhune apo gjuhës së urrejtjes ndaj anëtarëve të komunitetit LGBTQI+. Të drejtat #LGBTQI+ janë #Të Drejtat e Njeriut”.
