Hoti: Për dështimin e KQZ-së duhet të ketë përgjegjësi politike dhe ligjore
Avdullah Hoti nga LDK ka thënë se shpallja e rezultateve pas 5 jave tregon dështimin e KQZ-së.
Ai në Facebook ka thënë se për këtë dështim duhet të ketë përgjegjësi politike dhe ligjore.
Postimi i plotë:
Shpallja e rezultateve të zgjedhjeve pas 5 jave tregon dështimin e sistemit për menaxhimin e procesit zgjedhor.
KQZ-ja ka dështuar të siguroj një proces zgjedhor kredibil e me integritet.
Kjo është për keqardhje pas disa palë zgjedhjeve të organizuara sipas standardeve evropiane, që e veçonin Kosovën nga vendet e tjera të Ballkanit.
Kjo është për keqardhje pas kulturës demokratike të treguar nga qytetarët në ditën e zgjedhjeve.
Njollë e këtyre zgjedhjeve do të mbetet edhe çështja e votave nga diaspora, për të cilat janë hedhur dyshime, si për votimin në ambasada/konsultata, ashtu edhe për votimin me postë.
Këtë nuk e ka merituar Kosova. Për këto dështime duhet të ketë përgjegjësi politike dhe ligjore.
