Hezbollahu vuri në shënjestër bazën e inteligjencës ushtarake izraelite pranë Tel Avivit
Hezbollahu po synonte vendet ushtarake izraelite me sulmet e tij me raketa, duke përfshirë një bazë të inteligjencës në një distancë të shkurtër nga Tel Avivi.
Kështu citohet të ketë thënë sekretari i përgjithshëm i grupit militant Hassan Nasrallah, shkruan Sky News.
Në një fjalim pas shkëmbimeve të zjarrit gjatë natës, ai tha gjithashtu se nuk kishte pasur plane për të qëlluar në objektiva direkt në qytet, si Ministria izraelite e Mbrojtjes dhe aeroporti Ben Gurion.
Asnjë nga raketat precize apo strategjike të Hezbollahut nuk u dëmtuan në sulmet e Izraelit, citohet të ketë thënë Nasrallah.
Ai thotë se Hezbollahu gjithashtu nuk ka ndërmend të përdorë raketa precize sot, por mund t’i përdorë ato në të ardhmen e afërt.
Nasrallah pretendon se përgjigja ndaj vrasjes së komandantit të lartë të Hezbollahut Fuad Shukr, u vonua për disa arsye, duke përfshirë “mobilizimin masiv” ushtarak izraelit dhe amerikan dhe për t’i dhënë një shans bisedimeve për armëpushim.
