Hasbulla: Unë jam më i famshëm se Cristiano Ronaldo
Hasbulla Magomedov është një fenomen i rrjeteve sociale, i njëjti ka pohuar se është më i famshëm edhe se ylli i Manchester United, Cristiano Ronaldo.
19-vjeçari vuan nga një sëmundje që e bën të duket më i ri se sa është dhe po fiton popullaritet në internet, me më shumë se dy milionë ndjekës në Instagram.
Sigurisht, kjo zbehet në krahasim me 423 milionë ndjekësit e Ronaldos, por Hasbullës nuk i bën përshtypje sulmuesi portugez, shkruan Marca.
Duke folur me lojtarin e futbollit amerikan Caleb Pressley në Barstool Sports, Habulla foli për respektin e tij për yjet e tjerë të mëdhenj, si Khabib Nurmagomedov dhe Erling Haaland, por ai nuk është aq i interesuar për CR7.
Ylli portugez ka pozuar së fundmi me Abdu Rozik, rivalin e njohur të Hasbullës, ndaj ky i fundit është pyetur për këtë.
“Nuk mund të më interesonte më shumë për Cristiano Ronaldon, jam më i famshëm se ai”, tha Hasbulla.
Rusi foli në mënyrë nënçmuese edhe për stilin e lojës së Ronaldos, duke thënë se ai thjesht “pason topin”, që ndoshta është një kritikë e re për sulmuesin 37-vjeçar.
