Haradinaj në takim me ambasadorin britanik: Rruga jonë drejt NATO-s është e pakthyeshme
Kandidati për kryeministër nga radhët e AAK’së, Ramush Haradinaj, ka pritur sot në takim ambasadorin e Mbretërisë së Bashkuar në Kosovë, Jonathan Hargraeves.
Haradinaj tregon detaje nga takimi me ambasadorin ku ndër të tjera thotë se ndanë vizionin e përbashkët për një Kosovë të integruar plotësisht në strukturat Euro-Atlantike.
“Me Ambasadorin ndamë vizionin e përbashkët për një Kosovë të integruar plotësisht në strukturat Euro-Atlantike. Rruga jonë drejt NATO-s është e pakthyeshme dhe strategjikisht e domosdoshme për sigurinë rajonale.
Mbretëria e Bashkuar vazhdon të jetë një nga aleatët tanë më të fuqishëm në fushën e shtetndërtimit. Partneriteti ynë bilateral do të forcohet edhe më tej në funksion të objektivave tona të përbashkëta për një Kosovë e rajon të sigurt. 🇽🇰🇬🇧”, shkroi Haradinaj në Facebook.
