Hamza në Prizren: PDK ka qenë dhe është çdoherë e gatshme për zgjedhje të reja

Kandidati i PDK’së për kryeministër, Bedri Hamza, ka vizituar dje Prizrenin.

Hamza ka thënë se PDK është çdoherë e gatshme për zgjedhje të reja.

“Në kuadër të vizitave mobilizuese në terren, sot bashkë me Uranin i vizituam Shaqën e Kujtimin në Prizren dhe dolëm pak në Shatërvanin e bukur. PDK-ja, e cila ka dalë e para në zgjedhjet lokale, ka qenë dhe është çdoherë e gatshme për zgjedhje të reja.”

I pari i komunës së Mitrovicës tha se Kosovës do t’ia ofrojnë një qeveri kompetente, të përgjegjshme para qytetarëve dhe aleatëve “me një program konkret, të realizueshëm dhe me indikatorë të matshëm, të cilin do ta prezantojmë gjatë muajve të ardhshëm”.

“Vendit do t’ia ofrojmë një qeveri kompetente, të përgjegjshme para qytetarëve dhe aleatëve tanë, me një program konkret, të realizueshëm dhe me indikatorë të matshëm, të cilin do ta prezantojmë gjatë muajve të ardhshëm. Së bashku me çdo njeri vullnetmirë, me çdo qytetar që është lodhur nga kjo gjendje e pashpresë dhe dëshiron një jetë më të mirë këtu, në vendin tonë, ne do ta bëjmë ndryshimin.”