Guardiola vjen me deklaratën e fortë para ndeshjes me Realin: Kemi dy ndeshje të vështira për të kaluar në finale
Skuadrës së Man Cityt i duhen dy ndeshje të forta për ta mposhtur skuadrën e Real Madridit.
City takohet sonte me Realin me fillim nga ora 21:00 në kuadër të gjysmëfinales në Ligën e Kampionëve, shkruan Periskopi.
Skuadra e Guardiolës humbi 1-0 nga Chelsea në finalen e parë të Ligës së Kampionëve sezonin e kaluar, ndërsa Reali ka qenë kampion i Evropës 13 herë.
“Nuk është e nevojshme të thuhet se sa i mirë është Real Madridi”, tha Guardiola.
“Nëse duhet të konkurrojmë me historinë e tyre, nuk kemi asnjë shans. Historia është aty, ne nuk mund ta ndryshojmë atë, por është 11 kundër 11 me një top në lëvizje.
“Ne do të përpiqemi të jemi vetvetja, të konkurrojmë mirë. Ne duhet të luajmë dy ndeshje të jashtëzakonshme për të arritur në final”, tha Guardiola.
