Guardiola ka fituar kundër çdo ekipi që ka luajtur, por asnjëherë ndaj Leedsit të mësuesit të tij

Pep Guardiola mund të jetë trajneri më i mirë i kohëve tona pas sukseseve të jashtëzakonshme me Barcelonën, Bayernin dhe tash e pesë vite me Manchester Cityn. Sidoqoftë, është një trajner tjetër që ai e konsideron si më të mirin në botë: Marcelo Bielsa.

Trajneri i njohur si “I çmenduri” [El Loco] tash e tri vite po menaxhon me sukses të pabesueshëm ekipin e Leeds United.

Pasi e riktheu në Premier Ligë vitin e kaluar pas 16 vitesh, ai ka shfaqur futbollin më të bukur në Evropë gjatë këtij sezoni me lojtarë anonimë që nuk i afrohen atyre të klasit botëror që gjenden në futbollin anglez.

Guardiola është njëri ndër nxënësit e Bielsas, trajnerit legjendar argjentinas, bashkë me Pochetinon, Simeonen dhe Sampaolin.

Por, edhe pse me ekip dukshëm më të mirë, Guardiola nuk ka arritur të fitojë asnjërën nga dy ndeshjet e sivjetme të Premier Ligë ndaj Leeds Unitedit të mësuesit të tij.

Në ndeshjen e parë, ai ishte me fat të nxirrte një barazim 1-1 në Elland Road, ndërsa në ndeshjen e dytë u mposht në Etihad Stadium 1-2 edhe pse ekipi kundërshtar e kishte një lojtar më pak në fushë.

Pep gjatë karrierës së tij është ndeshur me 77 ekipe të ndryshme. Prej tyre, vetëm dy ekipe nuk ka arritur t’i mposht asnjëherë. Dhe Leeds është njëra ndër këto dy ekipe. Ekipi i dytë është i njohur për redaksinë. /Periskopi