Gratë inteligjente nervozohen më shpejt

Shumë njerëz besojnë se një nga rreziqet më të mëdha ndaj të cilit duhet të ruhen është një grua e zemëruar – dhe në disa raste nuk mund as t’i fajësojmë ato. Megjithatë, siç na e mëson historia e Santippës, gruas së zellshme të Sokratit, kemi shumë për të mësuar nga një grua me humor të keq dhe që “merr flakë” lehtësisht.

Një studim i Universitetit të Uellsit të Ri Jugor zbuloi se gratë me tendencën më të madhe për t’u zemëruar demonstrojnë inteligjencë më të madhe dhe aftësi për të argumentuar.

Subjekt i hetimit ishte ndikimi që mund të ketë disponimi i keq i femrave në aspekte të tjera të jetës dhe personalitetit të tyre.

Studiuesit pastaj ekspozuan një model të ndryshëm të grave për stimuj negativë dhe pozitivë, së pari duke përdorur filma të ndryshëm për këtë qëllim, pastaj vendosjen e tyre në kontekste të shumta ku ato u ftuan të shprehnin veten e tyre, jepnin përgjigje dhe zgjidhnin situata.

Nëpërmjet këtyre hapave, studiuesit arritën në përfundimin se ato që u zemëruan më lehtë dhe në përgjithësi shfaqën një humor të keq, arritën të kapërcejnë më mirë testet, duke dhënë përgjigjet e sakta dhe duke identifikuar zgjidhjet më efektive – dhe jo vetëm.

Në fakt, ato gjithashtu demonstruan se ato kishin një kujtesë më të mirë dhe një aftësi më të rafinuar për të argumentuar.

Sipas Joseph Forgas – profesor që udhëhoqi studimin – arsyeja është si më poshtë: gjendja e keqe përmirëson vëmendjen dhe ngjall mendime më konkrete dhe më të thella, duke inkurajuar përpunimin e informacionit gjatë periudhave të tensioneve dhe vështirësive.

Përkundrazi, gratë më pozitive dhe më të këndshme, pavarësisht nga optimizmi dhe vullneti e patën më të vështirë për t’i kapërcyer pengesat, për të mësuar përmendësh të dhënat dhe për të përpunuar zgjidhje.

Pra, nëse rezultatet e këtij studimi lejojnë të rivlerësojnë gjendjen e keqe të grave, ato nuk duhet të merren si një justifikim për të mos u përpjekur për të përmirësuar atë: kujtoni më mirë se zemërimi ushqen sjellje shkatërruese në afat të gjatë – dhe sigurisht që nuk është aq i dashur në sytë e të tjerëve.