Gramoz Vokrri konfirmon kandidaturën për kryetar të FFK-së

Gramoz Vokrri ka konfirmuar se do t’i futet garës për pozitën e kryetarit në Federatën e Futbollit të Kosovës.

Këtë ai e bëri të ditur vetë Gramozi përmes një postimi në rrjetin social “Facebook”, shkruan Periksopi.

Vokrri bëri të ditur se ka marrë mbështetje të konsiderueshme nga klubet kosovare të futbollit.

Tutje, ai tha se nesër në ora 11:00 do ta bëj deponimin e nënshkrimeve, nënshkrime këto që e bëjnë edhe zyrtarisht kandidat për kryetar të Federatës së Futbollit të Kosovës.

“Të nderuar,

Futbolldashës, futbollistë, punonjës sportiv dhe ju donatorë të klubeve të futbollit në vend ndër vite, të gjithë padallim.

Pas mbështetjes që më ofruan një numër i konsiderushëm i klubeve, ju njoftoj se nesër në ora 11:00 do të bëhet deponimi i nënshkrimeve, nënshkrime këto që më bëjnë edhe zyrtarisht kandidat për Kryetar të Federatës së Futbollit të Kosovës.

Duke uruar për një proces fer, korrekt dhe transparent, ju përshëndes përzemërsisht dhe njëkohësisht kërkoj përkrahjen tuaj.

Me respekt dhe fair play”, ka shkruar Vokrri.