Google Translate zgjerohet me 110 gjuhë të reja

Që nga fillimi i saj në vitin 2006, Google Translate ka thyer barrierat gjuhësore, duke i ndihmuar njerëzit të lidhen dhe të kuptojnë më mirë botën.

Me përparimet teknologjike, Google ka zgjeruar në mënyrë të qëndrueshme aftësitë e saj gjuhësore.

Siç raportohet, gjiganti i teknologjisë po prezanton 110 gjuhë të reja në Google Translate, duke shënuar zgjerimin më të madh deri më sot, shkruajnë mediat e huaja, transmeton Telegrafi.

Kjo arritje është bërë e mundur nga modeli i gjuhës PaLM 2, të cilin Google e vlerëson si thelbësore për të mundësuar që Translate të mësojë në mënyrë efektive.

Kjo përfshin gjuhë të tilla si Awadhi dhe Marwadi, të lidhura ngushtë me Hindin, si dhe kreolet franceze si Seychellois dhe Mauritiane.

Bëhet e ditur se gjuhët më të fundit të shtuara në Google Translate tani u shërbejnë mbi 614 milionë individëve në mbarë botën.

Këto përfshijnë gjuhët kryesore me miliona folës, gjuhë të përdorura nga grupe të vogla indigjene dhe disa me pak folës, por përpjekje të vazhdueshme për t’i ruajtur dhe promovuar ato.

Afërsisht 25 për qind e gjuhëve të reja e kanë origjinën nga Afrika, duke shënuar zgjerimin më të gjerë të gjuhëve afrikane deri më sot.

Kjo përfshin Fon, Kikongo, Luo, Ga, Swati, Venda dhe Wolof.

Këto janë disa nga gjuhët e shtuara së fundi në Google Translate: cantonese, afar, manx, NKo, punjabi, tamazight, tok pisin. /Telegrafi/