Goli i Kai Havertzit kundër Man Cityt me muzikën e Titanikut do t’u shkaktojë të rrëqethura drithëruese

Kai Havertz e futi veten në folklorin e Chelseat të shtunën mbrëma.

Sulmuesi gjerman nuk ka qenë startues i rregullt për ‘Të Kaltërit’ në sezonin e tij të parë te klubi, transmeton Periskopi.

Por Thomas Tuchel i dha besim të jashtëzakonshëm atij duke e emëruar në formacionin startues të finales së Champions Leagues, të shtunën mbrëma.

21-vjeçari ia shpagoi besimin e trajnerit derisa shënoi golin e vetëm të ndeshjes pas 42 minutave lojë.

Havertz mori një top brilant nga Mason Mount, kaloi Edersonin dhe shënoi në portën e zbrazët.

Përgjithmonë do të mbahet mend si goli që ia fitoi Chelseat trofeun e dytë në Champions League.

Ishte një gol epik. Por si mund ta bëni edhe më mirë? Me muzikën e Titanikut, natyrisht!

Celine Dion duke kënduar soundtrackun legjendar të Titanikut është thjesht brilante të dëgjohet në pamjet e golit.

Shikoni më poshtë. /Periskopi.com/

Kai Havertz’s goal is better with Titanic music ? pic.twitter.com/bCntKEvMVw

— Champions of Europe ?? (@CFCBilly_) May 30, 2021