Trajneri shqiptar fitoi titullin kampion me Shkëndijën e Tetovës, duke zhvilluar  një kampionat me të vërtetë spektakolare, ku vendin e parë nga koha kur e morën, nuk e rrezikuan më.

Për këtë arsye, Gjoka ka marrë një vlerësim të madh, siç është ajo e çmimit si trajneri më i mirë i vitit. Pas marrjes së këtij çmimi, Gjoka u shfaq shumë i lumtur teksa u shpreh:

“Ky çmim është një nder i madh për mua. Të jesh trajneri më i mirë i sezonit, është diçka me të vërtetë e shkëlqyer. Unë dua të theksoj se meritat për të gjitha arritjet i takojnë lojtarëve të Shkëndijës. Dua të shpreh mirënjohjen time për kushtet e shkëlqyera të punës”, u shpreh Gjoka.