Genc Prelvukaj hap dyert e shtëpisë së tij për familje të prekura nga tërmeti në Shqipëri

Artisti shqiptar, Genc Prelvukaj, ka ofruar shtëpinë e tij në Martinaj të Plavës në Mal të Zi për familje që janë prekur nga tërmeti vdekjeprurës që ndodhi në Durrës.

Durrësi me rrethinë ishin epiqendra e tërmetit 6.5 ballësh që goditi sot në orët e hershme duke shkatëruar shumë vendbanime dhe pati edhe viktima në njerëz.

“Ju njerëz të mirë në Shqipëri”, shkruan Prelvukaj në rrjetin social Facebook.

“Nese njihni familje qe kane nevoje te strehohen, kane mbetur pa kulm mbi koke, nga termeti i sotem, une kam nje shtepi ne Martinaj te Plaves ne Mal te Zi, ne te cilen mund te vendosen 2 familje. Bashke me shtepine do te sigurojme edhe ushqimet, ngrohje dhe cdo gje tjeter te nevojshme. Me shkruani mesazh direkt nese keni dike qe mund ti ndihmojmë”