Gazetarja e njohur angleze çudit të gjithë – Përkthen në shumë gjuhë intervistat e lojtarëve pas ndeshjeve në Champions
Gazetarja e njohur e sportit në Angli, Kate Abdo mahniti shikuesit në CBS Sports Golazo mbrëmë teksa përkthente pa mundim intervista të shumta në disa gjuhë.
Kjo ishte pjesë e shfaqjes shumë të njohur të Ligës së Kampionëve ‘CBS Sports Golazo’ të cilën Abdo e prezanton, zakonisht së bashku me Thierry Henry, Jamie Carragher dhe Micah Richards, përcjellë Periskopi.
41 vjeçarja, është një gazetare shumë e suksesshme sportive dhe komenton shumë sporte, duke përfshirë futbollin dhe boksin.
Por këtë herë ishin aftësitë e saj mbresëlënëse gjuhësore që tërhoqën vëmendjen në këtë rast të veçantë, pasi ajo pa problem përktheu në disa gjuhë të botës intervistat efutbollistëve pas ndeshjeve të Championist mbrëmë.
Fillimisht, ajo shkoi drejtpërdrejt në intervistën e Kylian Mbappe pas fitores së tyre 2-1 kundër Juventusit dhe vazhdoi të përkthejë fjalë për fjalë në kohë reale.
Menjëherë pas kësaj, ajo kaloi shpejt në intervistën e Federico Valverde, në gjuhën spanjolle përpara se të kalonte te menaxheri i Red Bull Leipzig, Marco Rose, duke vepruar këtë herë në gjermanisht./Periskopi/
Shikoni momentin e përkthimit nga ajo:
