Gaming profesional me standardet më të larta, tani në Prishtinë!

Një nga këto stinë të rralla ishte edhe turneu i organizuar nga KosICT, në njërën nga lojët më të famshme në skenën botërore, Counter-Strike:Global Offensive. Turneu arriti të sjellë në dritë disa të vërteta të pranishme për një kohë të gjatë në shoqërinë tonë, të vërteta të rëndësisë së madhe që shërbëjnë si dëshmi për natyrën e pastër së ndjekjes së pasionit.

E para është se në Kosovë, ndër fytyra të shumta të përditshmërisë, fshihen talentë të jashtëzakonshëm në fushën e gaming-ut, njerëz me dije e logjikë strategjike dhe intuitë të mprehtë. E dyta është, që këto fytyra meritojnë të shihen dhe njerëzit duan t’i shohin.

Gjatë turneut të KosICT, një grup i vogël gamerësh u bashkuan për të shtyrë këtë fenomen në dritë publike përmes Xportalesports. Kjo nismë ka filluar me qëllimin e bashkimit të komunitetit të gamerëve nën një tutelë të përbashkët, si dhe shpërndarjës së lajmeve dhe përmbajtjeve të ndryshme rreth gamingut për publikun shqiptar. Sipas tyre, elementi më i rëndësishëm për të shtyrë përpara kulturën e gamingut dhe esporteve është uniteti i komunitetit dhe përpjekja e përbashkët e secilit anëtar të tij për të konsoliduar atë.

Krijimi i përmbajtjeve origjinale në gjuhën shqipe në lidhje me këtë temë, sigurisht që është diçka e re dhe e paparë deri më tani në shoqërinë tonë dhe përkrahja e marrë me nevojën e dëshmuar për më shumë kontribut të tillë e bën këtë një kapital të paprekur dhe me shumë vlerë për shoqërinë në shumë nivele.

Ndër pasiguritë e shumta që e mbulojnë këtë aktivitet, një gjë është e sigurtë, që Xportalesports dhe gamerë të tjerë do të vazhdojnë të ndjekin ëndrrën e tyre dhe kjo meriton përkrahjën e të gjithë neve.

Ditëve të fundit në Prishtinë është bërë lansimi i hapësirës së parë për gaming profesional në Kosovë, i quajtur XPortalEsports Academy.

Xportal ka në dispozicion hapësirat Casual gaming dhe Professional gaming të pajisura me produktet me të mira në treg për gaming si Monitorë, Steel Series Rival 300 dhe Steel Series Siberia 150 ndëgjuese, karrige profesionale, tastiera mekanike që ju mundësojnë të ushtroni pasionin dhe talentin tuaj për gaming profesional.

Iniciativa për hapjen e Xportal Esports Academy është nisur nga një grup prej pesë gamerësh, të cilët dëshiruan të ofrojnë një hapësirë me standardet më të larta të lojës në treg, pasi që kjo gjë ka parë mungesë të madhe në Kosovë, e gjëgjësisht në Prishtinë. /Periskopi/