Ford dhe Volkswagen mund të bashkohen
Gjigantët e automobilave Ford dhe Volkswagen në qershor të këtij viti u bënë partnerë strategjikë, por shumë lehtë bashkëpunimi i tyre mund të arrijë një nivel shumë më të lartë.
Analistët nga Detroiti thonë se partneriteti i tyre tashmë tejkalon tregun e automjeteve komerciale dhe se të dyja kompanitë kanë përfitime të konsiderueshme nga ajo, transmeton KosovaPress.
Kjo është arsyeja pse disa ekspertë kanë njoftuar se Ford dhe Volkswagen lehtë mund të bëhen partnerë të barabartë dhe të krijojnë kompaninë më të madhe të vetme në këtë industri.
Gjigandi gjerman mund të bashkëpunojë me Fordin në saje të pozitës së fortë të Oval Blu në tregun amerikan, veçanërisht në segmentin SUV dhe kamionçinave. Nga ana tjetër, VW mund të ndihmojë Ford për të hyrë në Evropë, Amerikën Latine dhe Kinë, ku aktualisht është i dobët.
Përveç kësaj, të dy prodhuesit me siguri mund të përfitojnë nga krijimi i platformave të përbashkëta që do ta bënin më të lehtë për ta të zgjeronin gamën e modeleve të tyre.
Ford mund të ndihmojë Volkswagens për të riparuar imazhin e “Dieselgate” dhe segmentin e përmendur tashmë të automjetit pick-up. Ekspertët besojnë se momenti i bashkëpunimit të mundshëm është i përsosur. Ford përballet me sfida të shumta gjatë punës në një transformim radikal të kompanisë.
Ky transformim përfshin heqjen e modeleve tradicionale sedan dhe coupes nga SHBA dhe kalimin në makinat elektrike dhe vetëlëvizëse me zgjerimin masiv të segmentit crossover dhe SUV.
