Flet trajneri i ri i Dritës: Intelektualët janë fantastik, nuk është e vështirë të arrish në vendin e parë, e vështirë është të qëndrosh aty

Skuadra e Dritës ka marrë fitoren e madhe ndaj Llapit.

Drita fitoi ndaj Llapit me rezultatin 0-2, për të marrë tre pikë shumë të mëdha në luftën për titull.

Pas ndeshjes, trajneri i Dritës, Akis Vavalis tha se është i lumtur me fitoren, teksa falënderoi Intelektualët për përkrahjen.

“Jam i lumtur me fitore, nuk jam i lumtur me 25 minutat e parë. Në zhveshtore folëm për këtë, dolëm, shënuam dy golat dhe fituam takimin. Edhe djemtë e dinin se çka duhet të bënin, i falënderojë shumë tifozët “Intelektualët” për përkrahjen, kemi tifozë fantastik”, tha fillimisht Vavalis për Art Sport.

“Nuk ka presion, më e vështira nuk është të arrish vendin e parë, është të qendrosh në vendin e parë. Jam i lumtur me lojtarët, të dielën do kemi lojë të madhe”, përfundoi Vavalis.