Flet Andin Lokaj për largimin nga RTK, tregon se pse e mori këtë vendim
Komentatori i njohur sportiv, Andin Lokaj të dielën në mëngjes dha lajmin e befasishëm se ka ndarë rrugët me Radio Televizionin e Kosovës.
Ai publikoi një video nga TikTok teksa komenton golin e Nezirit kundër Portugalisë, përballje e cila ishte e fundit e tij në RTK si komentator.
Lokaj tha se u ndje i nënçmuar dhe se nuk u vlerësua nga RTK.
“Këto ditë do t’i përfundoj procedurat administrative për shkëputje të kontratës”, ka thënë ai fillimisht.
“Në një vend ku ndihesh i nënçmuar dhe nuk vlerësohesh, nuk ke çka humb kohë kot”, ka shtuar ai për gazetën Nacionale.
