Fitore kundër Rumanisë, Foda beson te vendi i parë në grup
Trajneri i Kosovës Franco Foda, ka kërkuar fitore kundër Rumanisë.
Foda u shpreh optimist se vendi i parë në grup është i mundshëm.
Strategu gjerman në një konferencë për media ka thënë se për ta bërë këtë nevojitet një fitore prej tre golash.
“Vendi i parë në grup është ende i arritshëm, por njëherë duhet ta mposhtim Rumaninë. Në tri ndeshjet e fundit jam përgjithësisht i kënaqur me skuadrën, por jo edhe aq pasi është dashur të shënonim më shume gola”, u shpreh ai.
“Duke qenë se i kemi disa të lënduar, do t’i bëjmë disa ndryshime në ekip. Do të mundohemi të jemi sa më ofanzivë”, theksoi selektori i “Dardanëve” njofton Klankosova.tv
Më 18 nëntor Kosova do ta zhvillojë në Prishtinë edhe ndeshjen kundër Lituanisë.
