Fillojnë të kthehen mërgimtarët, kolona deri në 400 metra te Dheu i Bardhë për të dalë nga Kosova

Pritjet më të gjata, sipas Qendrës Kombëtare për Menaxhim Kufitar pritjet më të gjata vazhdojnë të jenë në pikën kufitare te Dheu i Bardhë.

Për të dalë nga Kosova përmes Dheut të Bardhë kolona është 400 metra, ku qytetarët duhet të presin deri në 50 minuta.

Ndërsa për të hyrë në Kosovë nga kjo pikë kufitare, qytetarët po presin deri në 20 minuta, pasi kolona është 100 metra.

Deri në 30 minuta pritjet janë në Muçibabë, ku kolona në këtë pikë është deri në 200 metra, ndërsa në hyrje është 50 metra, me pritje deri në 10 minuta.

Në Merdarë qytetarët po presin deri në 20 minuta për të dalë nga Kosova.

Pikat tjera kufitare raportohet të jenë më qetë, me pritje të zakonshme nga 3 deri në 5 minuta.