Ferat Shala: Për skandalin me rezervat shtetërore e dijnë Rozeta Hajdari e Albin Kurti
Deputeti i Partisë Demokratike të Kosovës, Ferat Shala ka hedhur akuza ndaj Qeverisë së Kosovës lidhur me çështjen e rezervave shtetërore.
Ai përmes një postimi në rrjetin social në Facebook u shpreh se për shkeljet ligjore e procedurale në këtë proces ishin në dijeni edhe ministrja e kryeministri.
”Gjatë këtij mandati, vazhdimisht kam alarmuar se skandali i Qeverisë Kurti me rezervat shtetërore është tejet i rëndë. Për shkeljet ligjore e procedurale në këtë proces ishin në dijeni edhe ministrja e kryeministri”, ka shkruar Shala.
Prandaj, ata kanë përgjegjësi politike e ligjore për këtë skandal korrupsioni, ka shtuar më tutje deputeti i PDK-së.
