Fantastike: Vjollca Izeiri nga Gostivari referon në duelin Bayern – Arsenali në ‘Alianz Arena’
Referja e futbollit, Vjollca Izeiri nga qyteti i Gostivarit sonte po shijon një moment shumë të veçantë në karrierën e saj.
Ajo ndan drejtësinë në duelin e UEFA Champions League në konkurencë të femrave, në duelin në Munih ku Bayerni pret Arsenalin.
Izeiri është asistente e parë e maqedonases Ivana Projkoska që është arbitre kryesore e përballjes në fjalë.
Për Izeirin kjo është një tjetër arritje e madhe, ndërsa delegimi për këtë ndeshje të këtij niveli flet për punën e shkëlqyeshme dhe përkushtimin që gostivarasja po bën në detyrën si refere e futbollit.
Njëkohësisht ky fakt paraqet mirënjohje edhe për Federatën e Futbollit të Maqedonisë, për kujdesin që tregon për edukimin dhe avansimin e referëve.
