“Fajde e shpërlarje parash” – Prokuroria Speciale ngreh aktakuzë ndaj pesë personave

Prokuroria Speciale e Kosovës ka ngritur aktakuzë kundër pesë të pandehurve për vepra penale që ndërlidhen me krimin e organizuar.

Sipas njoftimit për media aktakuza është ngritur kundër pandehurve N.S; A.S; B.S; SH.S. dhe J.F.

“Aktakuza është ngritur kundër pesë (5) të pandehurve për shkak se për të njëjtit ekziston dyshimi i mirë bazuar se kanë kryer veprat penale: “Fajdeja”, nga neni 331 par 3 lidhur me par.1 dhe me nenin 77 dhe 31 të KPRK-së, “Shpëlarja e parave” nga neni 302 i KPRK-së dhe nenit 56 dhe 57 të Ligjit 05/L-096 mbi parandalimin e pastrimit të parave dhe luftimit të terrorizmit, “Kanosja”, nga neni 181 par. 4 lidhur me par.1 dhe me nenin 31 të KPRK-së, “Pengimi i të provuarit apo procedurës zyrtare”, nga neni 386 paragrafi 2 i KPRK-së”, thuhet në njoftim.

Rasti ka të bëjë me veprat penale të kryera gjatë viteve 2020 – 2022, me qëllim të përfitimit të kundërligjshëm material, ku të pandehurit janë marrë me veprimtarinë e kundërligjshme të Fajdesë. /Periskopi/

Vrasje, maltretime fizike dhe psikike: Ngritet aktakuzë ndaj dy personave për krime lufte