Facebook dhe Google ndryshojnë taktikë, punonjësit mund të punojnë nga shtëpia deri në fund të vitit

Facebook dhe Google kanë vendosur të lejojnë punëtorët që janë në gjendje të punojnë në distancë deri në fund të vitit.

Facebook ishte ndër firmat e para të teknologjisë që u kërkoi punonjësve të saj të fillojnë të punojnë nga shtëpia. Ai u dha punonjësve 1 000 dollarë (807 £) shpërblim për punën e tyre nga shtëpia dhe kostot e kujdesit për fëmijët. Në një deklaratë sot, një zëdhënës i firmës së teknologjisë tha:

Facebook ka ndërmarrë hapin tjetër në kthimin e tij në filozofinë e punës. Sot, ne njoftuam se kushdo që mund të bëjë punën e tij nga distanca, mund të zgjedhë ta bëjë këtë deri në fund të vitit. Siç mund ta imagjinoni, kjo është një situatë në zhvillim, pasi punonjësit dhe familjet e tyre marrin vendime të rëndësishme: si kthimi në punë.

Facebook tha se do të rihapte zyrat në 6 korrik, por ende po përcakton se cilët punonjës do t’u kërkohet të punojnë nga ambjentet e kompanisë, shkruan The Guardian.

Shefi ekzekutiv i Google, Sundar Pichai, tha se punonjësit që duhet të kthehen në zyrë do të fillojnë të jenë në gjendje ta bëjnë këtë nga korriku me masa të zgjeruara të sigurisë. Google fillimisht tha se do ta mbajë punën nga shtëpia deri më 1 qershor, por tashmë po e zgjat atë për shtatë muaj të tjerë.