Është përmendur në mediat ballkanike si aksionar i një hoteli të famshëm në Budva, reagon afaristi i njohur

Së fundmi, spekulimet mbi pronësinë e hoteleve luksoze në Budvë kanë marrë hov të madh në mediat lokale dhe ndërkombëtare. Në një kthesë të papritur të ngjarjeve, emri i multimilionerit, Bledian Ramadani, është përmendur si një nga pronarët e mundshëm të një prej hoteleve më të njohura në këtë destinacion turistik të njohur.

Për shumicën, ky lajm ka ardhur si një surprizë. Ndërsa Ramadani është i njohur për angazhimet e tij në fusha të ndryshme, përfshirja në industrinë e gastronomisë është diçka e re. Në fakt, kjo nuk eshte hera e parë që emri i tij përmendet në lidhje me pronësinë e një hoteli në një vend si Budva.

Spekulimet filluan kur disa media raportuan për një marrëveshje shitblerjeje të nje hoteli tejet luksoz të quajtur Splendid Casino Royale në bregdetin e Adriatikut, duke përmendur emrat e disa investitorëve të mundshëm nga Azerbajxhani dhe Amerika, nuk mungoi emri i biznesmenit te njohur kosovar Bledian Ramadani pa u përfshi në këto raporte.

Ndonëse pa asnjë konfirmim zyrtar. Për më tepër, disa burime të paidentifikuara nga sektori i pasurive të patundshme sugjeruan se ai ka qenë në negociata për të blerë një pjesë të pronësisë së ketij hoteli të njohur në Budvë, i famshem ne filmat e James Bond, Hoteli i ultraluksoz Splendid Casino Royale.

Reagimet e publikut kanë qenë të ndryshme. Shume janë skeptikë, duke vënë në dyshim vërtetësinë e këtyre pretendimeve dhe duke kërkuar prova më të forta për të mbështetur këto spekulime.

Ndërsa spekulimet vazhdojnë të rriten, një gjë është e qartë: Bledian Ramadani është tashmë në qendër të vëmendjes.

Për të sqaruar situatën dhe për të shmangur keqkuptimet, një deklaratë zyrtare nga ana e tij do të ishte e mirëpritur, Deri atëherë, publiku dhe mediat do të vazhdojnë të spekulojnë mbi të ardhmen e kësaj prone dhe përfshirjen e tij të mundshme në të.

Në lidhje me këtë, biznesmeni Ramadani ka reaguar përmes një pronocimi për Periskopin.

“Nese ekziston ndonjë dokument mbi vërtetimin e pronësisë time ne këtë hotel, unë marr përgjegjësi të plotë! Por sigurisht që ai dokument nuk ekziston”, tha Ramadani për Periskopin.

Raportet nga brenda industrisë sugjerojnë se negociatat për blerjen e hotelit kanë qenë intensive dhe te dyshimta. Detajet financiare të marrëveshjes nuk janë bërë publike, por besohet se bëhet fjalë për një transaksion të madh që mund të ndryshojë peizazhin e turizmit në Adriatik.

Spekulimet kanë ngjallur një valë të madhe reagimesh pozitive nga komuniteti lokal dhe bizneset e zonës.

Ndërkohë, mediat kanë mbushur faqet e tyre me analiza dhe komente mbi ndikimin e mundshëm të këtij investimi.

Në fund të fundit, vetëm koha do të tregojë nëse këto spekulime do të konkretizohen në një realitet të prekshëm. Për momentin, mbetet një histori intriguese që ka tërhequr vëmendjen e shumë njerëzve në dhe jashtë industrisë së gastronomisë