Erza Muqoli pjesë e jurisë në “The Voice Kids” në Belgjikë
Erza Muqoli mahniti të gjithë me zërin e saj unik kur morri pjesë në audicionet e “La France a un incroyable talent” (version francez i talentëve të muzikës), në vitin 2014.
Vajza me prejardhje nga Kosova që nga ajo kohë u kthye në një emër të njohur dhe mjaft të dashur për publikun francezë dhe jo vetëm, shkruan Indeksonline.
14 vjeçarja e cila shquhet për vokalin e saj dhe talentin në muzikë tashmë është një emër i respektuar në Francë, madje ajo së fundi është bërë pjesë e audicioneve të “The Voice Kids” në Belgjikë për të asistuar si trajnere për talentët e rinj të muzikës.
Ndërkohë, Erza këtë vit do të fillojë një turne duke filluar në Ludres më 14 mars dhe veçanërisht duke përfshirë një koncert në Olimpiadën në Paris më 4 prill.
