Era Istrefi vetëm për një xhaketë shpenzon 2250 euro

Ajo ka kohë që nuk ka qenë aktive me ndonjë projekt të ri muzikor.

Bëhet fjalë për këngëtaren shqiptare tashmë me famë ndërkombëtare, Era Istrefin, e cila gjatë vitit të kaluar ka qenë më pasive në skenë.

Megjithatë, ajo po vazhdon t’i mbajë të azhurnuar fansat me postime të ndryshme në rrjete sociale.

Biondja së fundmi ka ndarë disa fotografi atraktive në Instagram, në të cilat tërhoqi vëmendje të madhe me një xhaketë të shkurtër ngjyrë gri.

Kjo xhaketë e markës ‘Prada’ është vlerësuar nga faqja ‘closetshqip’, ku sipas tyre kushton hiç më pak se 2250 euro.

Komplimentet krahas fotografive ishin nga më të ndryshmet, duke e përgëzuar për ‘look-un’ atraktiv.

Era sivjet u ka premtuar fansave se do jetë më aktive dhe se ka gati disa këngë të reja.