“El Clasico”, këto janë formacionet e mundshme, mungesat dhe parashikimi

“El Clasico” e dytë e sezonit mes Barcelonës dhe Real Madridit do të zhvillohet në Arabinë Saudite teksa dy klubet spanjolle do të përballen të mërkurën në gjysmëfinale të Superkupës së Spanjës.

Kjo është hera e parë që Barcelona dhe Real Madridi do të përballen në këtë format të ri të Superkupës, me fituesin që do të përballet me Athletic Bilbao ose Atlético Madrid në finale të dielën.

Barcelona vie pas një barazimi dëshpërues 1-1 të pësuar në minutat e fundit të ndeshjes nga Granada të shtunën, teksa po të njëjtën ditë Real Madridi shkëlqeu në fitoren 4-1 ndaj Valencias.

Të rejat e lëndimeve:

Pas kthimit të rezultateve negative të testeve për COVID-19, nënshkrimi i ri Ferran Torres dhe Pedri do të bashkohen me pjesën tjetër të bashkëlojtarëve të tyre të Barcelonës, ndërsa Ansu Fati gjithashtu është rikuperuar nga lëndimi dhe ai duhet të jetë në dispozicion të Xavi Hernandez për duelin gjysmëfinal. Frenkie de Jong dhe Ronald Araujo gjithashtu kanë udhëtuar me ekipin, por Sergi Roberto, Eric Garcia dhe Martin Braithwaite janë jashtë fushës për shkak të lëndimeve.

Sa i përket Real Madridit, Carlo Ancelotti mund të llogarisë në të gjithë, përveç dy lojtarëve të tij, pasi Gareth Bale dhe Mariano Diaz do të humbasin të dy në El Clasico.

“Los Blancos” dolën fitimtarë nga përballja e parë mes dy skuadrave këtë sezon, pasi Real Madrid mundi Barcelonën 2-1 në Camp Nou në tetor falë golave ​​të David Alaba dhe Lucas Vazquez.

Formacionet e mundshme:

Barcelona XI (4-3-3): Marc-Andre Ter Stegen; Dani Alves, Ronald Araujo, Gerard Pique, Jordi Alba; Nico Gonzalez, Sergio Busquets, Gavi; Ousmane Dembele, Luuk de Jong, Memphis Depay.

Real Madrid XI (4-3-3): Thibaut Courtois; Dani Carvajal, Eder Militao, David Alaba, Ferland Mendy; Luka Modric, Casemiro, Toni Kroos; Marco Asensio, Karim Benzema, Vinicius.

Analizë:

Skuadra e Carlo Ancelottit po luan futboll të shkëlqyeshëm në të dyja anët, mesfusha e tyre ende duket po aq e mirë sa pesë vjet më parë, dhe ata janë pa dyshim skuadra më e mirë dhe favoritët për të fituar El Clasicon.

Barça është përmirësuar mjaftueshëm për të bërë një luftë të madhe, dhe skuadra duket vërtet e fortë këtë herë me lojtarë të kthyer si: Pedri, Frenkie De Jong, Ansu Fati dhe nënshkrimi i ri Ferran Torres që janë të gjithë në dispozicion për këtë sfidë.