El Chiringuito: Martial ka arritur marrëveshje për transferim te klubi spanjoll
Sulmuesi i Manchester Unitedit, Anthony Martial është gati t’i bashkohet Sevillës në muajin tjetër.
Agjenti i francezit javën e kaluar deklaroi se futbollisti dëshiron largimin nga “Old Trafford” në afatin dimëror.
Ndërkohë, “El Chiringuito” raporton se tashmë marrëveshja mes Sevillës dhe Martialit tashmë është arritur.
Martial ka pranuar që t’i bashkohet Sevillës në formë huazimi për gjashtë muaj, e pastaj klubi spanjoll do e aktivizojë klauzolën e blerjes.
Tashmë ka mbetur vetëm që Sevilla të gjejë ‘gjuhën e përbashkët’ me Man Unitedin, skuadër që është e hapur ta lejojë sulmuesin të largohet në verë.
Interesim për Martial raportohet se kanë shprehur edhe Inter, Lyon dhe PSG.
