Edon Zhegrova udhëton me Lille për ndeshjen kundër Marseilles

Edon Zhegrova pritej që të debuton te Lille në takimin ndaj Marseilles, por që në fund nuk u realizua kjo gjë.

Tashmë ka filluar takimi mes të dyja skuadrave, derisa reprezentuesi i Kosovës që kompletoi kalimin pak ditë më parë, ka udhëtuar me skuadrën, por nuk do të luajë.

Bëhet e ditur se Lille nuk ka arritur ta regjistrojë në kohë Zhegrovën, andaj edhe kjo i pamundësoi atij debutimin në këtë takim.

Përmes një njoftimi në rrjetet sociale, Lille bëri të ditur se anësori ka udhëtuar me skuadrën, por pa treguar arsyen e saktë se përse nuk do të luajë.

“Edon Zhegrova, që udhëtoi me grupin, nuk është i kualifikuar për këtë takim”, thuhet në njoftimin e klubit francez.

Kampioni në fuqi pret që Zhegrova t’i ndihmojë ata në këtë edicion, derisa e vlerësojnë lartë potencialin e tij, pasi edhe për këtë e transferuan nga Baseli.

Edon Zhegrova, qui a fait le déplacement avec le groupe, n’est pas qualifié pour disputer la rencontre ⛔️#OMLOSC pic.twitter.com/rofcielrXN

— LOSC (@losclive) January 16, 2022