Edhe Watfordi e mposht Man Unitedin, Solskjaer shumë afër shkarkimit
Ole Gunnar Solskjaer rrezikon seriozisht shkarkimin.
Manchester United është mposhtur 4:1 nga Watford, në xhiron e 12-të të Premier League, shkruan Periskopi.
United e gjeti vetën në disavantazh në minutën e 28’, kur King shënoi në portën e De Gea. Rezultati u dyfishua në minutën e 44’, nga Sarr.
Në pjesën e dytë United gjeti golin me anë të Van de Beek në minutën e 50’, por gjërat u bënë më keq për ta në minutën e 70’ kur Maguire mori karton të kuq.
Goditjet e fundit United i mori në minutën e 90+2’, nga Pedro, i cili çoi shifrat në 3:1 dhe Dennis në minutën e 90+6′.
United numëron tashmë 17 pikë në pozitën e 7, kurse Watford shkon në 13 pikë për pozitën 16. /Periskopi/
