Edhe 6 federata të sportit të licensuara nga MKRS, ende jo FFK!
MKRS ka njoftuar para pak çasteve se edhe gjashtë federata të sportit të licensuara nga MKRS.Zëvendësministrja e Sportit, Daulina Osmani, priti sot në takim udhëheqësit e 6 federatave sportive.
Federata Skitare, Federata e Tenisit, Federata e Boksit, Federata e Shenjëtarisë, Federata e Autosportit dhe Federatës e Muaythai janë licensuar sot, ndërsa për atë të futbollit ende nuk ka njoftim.
Ja njoftimi i MKRS:“Edhe 6 federata të sportit të licensuara nga MKRS.
Zëvendësministrja e Sportit, Daulina Osmani, priti sot në takim udhëheqësit e 6 federatave sportive.Pas rekomandimit pozitiv të Komisionit për licencim në kuadër të Ministrisë së Sportit, i janë dorëzuar zyrtarisht licencat për ushtrimin e veprimtarisë Federatës Skitare, Federatës së Tenisit, Federatës së Boksit, Federatës së Shenjëtarisë, Federatës së Autosportit dhe Federatës Muaythai.
Përgëzime dhe suksese për të gjitha federatat në veprimtarinë e tyre”, shkruhet në njoftimin e Ministrisë.
