“E kemi votuar për 4 muaj, haram i qoftë”, fansat të nervozuar shpërthejnë kundër Donald Veshajt

Donaldi ka nervozuar tej mase fansat e Beatrixit që pas festës mbrëmë që kishte organizuar Top Channel për stafin dhe ish banorët e Big Brother VIP.

Aktori Veshaj ishte i pranishëm në festë, ku dhe këndoi këngën që e kishte shkruar për Bora Zemanin, e që këndohej nga Elgit Doda, shkruan Gazeta Online Reporteri.net.

Beatrixa shkoi më vonë tek festa bashkë me vëllain e saj, por që në asnjë moment nuk u pa bashkë me Donaldin, i cili gjatë gjithë kohës ishte me një pjesë të ish banorëve dhe vëllain e tij, Romeon.

Këto veprime të aktorit kanë irrituar fansat e Beatrixit të cilët janë shprehur se janë bërë pishman që e kanë votuar, derisa i kanë kërkuar edhe falje Einxhel Shkirës dhe Arjola Demirit që dikur i kundërshtonin me komente, shpesh edhe fyese, pasi të dyja nuk e besonin aspak Donaldin.

Kujtojmë se ndarjen e konfirmoi ditën e sotme, Beatrix Ramosaj përmes një InstaStory të publikuar, derisa kishte shkruar: “Histori falso”, si dhe e kishte hequr nga lista e miqve në Instagram, Donaldin.