E dini arsyen pse Apple vendos gjithmonë orën 9:41 kur prezanton iPhone?
Nëse keni qenë një fans i Apple që nga fillimi i iPhone në 2007, mund të keni vënë re një detaj që ka vazhduar gjatë gjithë evolucionit të tij.
Sa është ora? Është 9:41, gjithmonë. Ndonëse mund të duket si një kohë e rastësishme, rezulton se ky detaj i vogël daton që nga debutimi i iPhone dhe ka mbetur i pandryshuar që atëherë.
Nga modeli origjinal e deri te iPhone 16 , koha e çuditshme specifike është shfaqur në prezantime, tabela dhe postera përgjatë vijës kohore të Apple.
Historia thotë se përpara debutimit të iPhone 2007, ekipi kaloi një test të prezantimit, i cili deri në zbulimin e Iphone mori rreth 40 minuta. Duke i dhënë vetes pak liri veprimi, ekipi vendosi prezantimin kryesor të lexonte 9:42 për të përafruar kohën kur audienca do të shihte iPhone-in e parë ndonjëherë.
Trendi i 9:42 të mëngjesit u përhap në të gjithë marketingun e Apple për rreth tre vjet derisa iPad bëri debutimin e tij. Rezulton se shënimi i 40 minutave ishte mjaft i saktë, kështu që kur u publikua iPad, ekipi ndryshoi prezantimin për të lexuar 9:41 të mëngjesit. Me saktësinë e arritur, 9:41 u bë koha zyrtare e shfaqjes në marketingun e Apple dhe vazhdon edhe sot e kësaj dite.
