Dybala thyen rekordin e Ronaldos për më së shumti fanella të shitura brenda një dite
Paulo Dybala raportohet se ka vendosur rekord të ri për më së shumti fanella të shitura brenda një dite në Itali.
Argjentinasi ditë më parë u prezantua te Roma, klub me të cilin nënshkroi kontratë 3-vjeçare.
Sipas “Corriere dello Sport”, transferimi ka shkuar jashtëzakonisht mirë në kryeqytetin italian, me tifozët që janë shumë të lumtur për këtë lëvizje.
Në fakt, 28-vjeçari ka thyer edhe rekordin e ish-bashkëlojtarit të tij te Juventusi, Cristiano Ronaldos, për më shumë fanella të shitura në një ditë të vetme.
Ronaldo iu bashkua Juventusit nga Real Madrid në vitin 2018, teksa shiti 520 mijë fanella në ditën e parë.
Kurse, sipas mediumit italian, në ditën e parë të Dybalas te Roma janë shitur përafërsisht 535 mijë fanella.
Paulo Dybala has broken Cristiano Ronaldo’s Juventus record of most shirt sales on the day of the transfer announcement.
Ronaldo to Juve sold 520,000 shirts on the opening day. Dybala hit approx. 535,000 shirt sales.
(Corriere dello Sport) pic.twitter.com/IE6RWeC80M
— Footy Accumulators (@FootyAccums) July 23, 2022
