Dy superndeshje na presin sot në Superligë, vëmendja në ‘Fadil Vokrrin’ legjendar
Xhiroja e dytë e Superligës së Kosovës do të na sjellë dy ndeshje tejet interesante.
Në ‘Rexhep Rexhepi’, Feronikeli është nikoqir i Gjilanit, teksa ‘Fadil Vokrri’ do të jetë arena e përplasjes së dy gjigantëve, Prishtina dhe Ballkani, transmeton Periskopi.
Feronikeli u mposht nga Drita, Gjilani barazoi me Drenicën, gjersa Prishtina dhe Ballkani u ndalën me barazim nga Malisheva, respektivisht Dukagjini.
Vëmendja kryesore do të jetë padyshim në stadiumin “Fadil Vokrri”, ku Prishtina dhe Ballkani do të masin forcat se cila do të rrëmbejë fitoren e parë në kampionat.
Të dy ndeshjet zhvillohen nga ora 17:00.
