Dy raste të tentim vrasjes në Prishtinë, lëndohen dy persona

Policia e Kosovës ka raportuar për dy raste të vrasjes në tentativë në Prishtinë.

Në rastin e parë një burrë është plagosur në këmbë nga persona të panjohur.

Nuk ka të arrestuar deri më tani.

“VRASJE NË TENTATIVË Rr. Carraleva, Prishtinë 06.11.2024 – 07:15. Viktima mashkull kosovar është duke u trajtuar në QKUK, pasi është qëlluar plagosur në këmbë nga persona të panjohur. Në vendin e ngjarjes janë sekuestruar tri gëzhoja të armës së zjarrit. Rasti është duke u hetuar.” – thuhet në raportin 24 orësh të PK-së.

Në rastin e dytë, një burrë është plagosur nga një i dyshuar i cili është arrestuar.

“Fsh. Drenovc, Prishtinë 06.11.2024 – 14:53. Viktima mashkull kosovar është dërguar në QKUK për trajtim mjekësor, pasi që në rrethana të panjohura është plagosur me armë zjarri nga i dyshuari mashkull kosovar. I dyshuari është arrestuar dhe me vendim të prokurorit është dërguar në mbajtje, ndërsa një pistoletë me 11 fishekë është sekuestruar.” – thuhet në raport.