Dronët rusë godasin Ukrainën gjatë natës

Dronët rusë kanë sulmuar qytetin port ukrainas të Odesës gjatë natës, duke shkaktuar shpërthime zjarri në disa zona dhe duke i vënë flakën disa ndërtesave.

Guvernatori i rajonit, Oleh Kiper, raportoi se dronët goditën një ndërtesë banimi të lartë, një qendër tregtare dhe objekte të tjera të infrastrukturës.

Ky sulm ka ndodhur ndërkohë që presidenti çek, Petr Pavel, ishte në qytet për një takim.

Pavarësisht një marrëveshje të mundshme për një armëpushim të kufizuar, sulmet ajrore nga Rusia janë vazhduar, duke shkaktuar shqetësime për efektivitetin e armëpushimit të propozuar, veçanërisht në lidhje me infrastrukturën energjetike.

Pas telefonatës mes liderëve të Ukrainës dhe SHBA-së, palët janë dakorduar në parim për një pauzë të përkohshme në sulmet ndaj infrastrukturës energjetike, megjithatë disa detaje të marrëveshjes mbeten të paqarta.

Rusia ka akuzuar gjithashtu Ukrainën për shkelje të armëpushimit, duke përmendur një sulm të realizuar përpara se marrëveshja të binte në fuqi. Zëdhënësja e Ministrisë së Jashtme të Moskës, Maria Zakharova, ka thënë se Ukraina ka sulmuar një depo nafte ruse, duke shkelur kështu armëpushimin./Periskopi/