Doni ta bëni trupin pleh për tokë pasi të vdisni? Kompania amerikane me ide revolucionare varrimi

Vdekja vjen për secilin prej nesh, dhe s’është asnjëherë e lehtë. Nëse varrezat dhe funeralet nuk ju japin ndjenjën që dëshironi, atëherë shqyrtojeni mundësinë që trupin tuaj ta mbuloni me dhe e bakterje në mënyrë që të bëhet tokë pjellore.

Ideja që mbetjet njerëzore të bëhen tokë e pasur e që mund të çojë në jetë të re duket goxha e mirë së fundi.

Pas një dekade të planifikimit dhe rritjes së fondeve dhe një përpjekjeje që doli e suksesshme për të ndryshuar ligjin shtetëror në Washington, Recompose, shtëpia e funeraleve e kompostimit, është e hapur për biznes.

Kjo kompani, që trupin e parë të vdekur e mori në muajin dhjetor, duket më shumë si një zgjua bletësh gjigante se sa si një deponi. Çdo formë heksagoni është një tub i gjatë i mbushur me drunj të hollë, jonxhë e kashtë. Aty qëndrojnë mbetjet njerëzore të cilave kur iu shtohet bakteriet organike, bëhet një pjesë e madhe plehu, përcjell Periskopi nga BTh.

Procesti në fjalë, të cilit i referohen si “reduktimi natyror organik”, merr diku një muaj dhe kushton 5 mijë e 500 euro.

Më pas familjet e të vdekurit mund të vendosit të gjejnë një shtëpi në natyrë për mbetjet në fjalë.

Në vitet e fundit po ndryshojnë edhe qëndrimet sa i përket vdekjes dhe lëvizja që po quhet “vdekje pozitive” po merr vëmendje të madhe. Kjo nënkupton në ri-imagjinimin e vdekjes prej një drite më perspektive për t’i përkujtuar njerëzit.

Kompania që kthen kufomat në pleh thotë që një metrik ton i dioksid karbonit ruhet për çdo person që kompostohet, dhe jo kremohet.

Pas Washingtonit, një gjë e tillë është bërë e ligjshme edhe në Colorado./Periskopi.