Dhoma e Përfaqësuesve të SHBA miraton projektligjin që mund të ndalojë TikTok në mbarë vendin

Dhoma e Përfaqësuesve e SHBA-së ka miratuar një projekt-ligj historik që mund të ndalojë aplikacionin “TikTok” në Amerikë.

Kjo do t’i jepte kompanisë kineze, ByteDance, gjashtë muaj për të shitur aksionet e saj kontrolluese ose aplikacioni do të bllokohej në SHBA.

Ndërsa projektligji kaloi me shumicë dërrmuese në një votim, ende duhet të miratohet nga Senati dhe të nënshkruhet nga presidenti për t’u bërë ligj, shkruan BBC, përkthen Periskopi.

Ligjvënësit kanë mbajtur prej kohësh shqetësime për ndikimin e Kinës me aplikacionin e TikTok-ut.

TikTok është në pronësi të kompanisë kineze ByteDance, e themeluar në vitin 2012.

Firma me bazë në Pekin është e regjistruar në Ishujt Kajman dhe ka zyra në të gjithë Evropën dhe SHBA.

Nëse projektligji arrin të sigurojë miratimin në Senat, Presidenti Joe Biden ka premtuar ta nënshkruajë atë sapo të vendoset në tryezën e tij, gjë që mund të shkaktojë një grindje diplomatike me Kinën.