Detaje: Si u arrestua reperi Noizy dy ditë pasi u shpall në kërkim nga Policia e Kosovës?
Dje në orët e vona është arrestuar reperi i njohur Noizy bashkë me Dj-në e tij, ka marr vesh Periskopi nga burimet.
Arrestimi i tij është bërë nga policia e Lezhës në Shëngjin teksa këngëtari i njohur ishte nisur për të performuar në një klub në qytetin bregdetar.
Siç shkruan TopChannel, arrestimi i Noizyt është bërë me kërkesë nga Policia e Kosovës.
Noizy akuzohet se bashkë me disa persona të tjerë të grupit të tij, kanë rrahur tiktokerin Medi Iseni, ngjarje e ndodhur pas përfundimit të një koncerti në Pejë.
Ndryshe, mbrëmë në kërkim është shpallur edhe Arkimed Lushaj, i njohur si Stresi.
